¡MALDITOS SEÁIS!
No me avergoncé del evangelio.

Marino Ayerra Redín apaiza 1936an iritsi zen Altsasura (Nafarroa), parrokiaz arduratzeko. Iritsi eta handik egun batzuetara, bide-bazterretan hildakoak, erailak agertzen hasi ziren. Apaizak, egiazko istorio zirraragarri honetan, han gertatu ziren gertaera gordinak, gogorrak kontatzen dizkigu. Liburu honek, Gerra Zibilean Altsasun jazotako gertaera basatien berri ematen digu lehen eskutik. Hori guztia idatzi eta bere memorietan argitaratu zuen, urte batzuk geroago, Argentinan, abituak utzi eta gero.

Eliza katolikoa edo haren zati bat zalantzan jartzen da. Zer eginkizun izan zuen? Zerbait egin al zuen ankerkeria hori gelditzeko?

Liburu honek basakeria ikaragarri horretan erail zituzten guztiak omendu nahi ditu.