LA LENGUA INVISIBLE
El euskera en la Corte, y en la Ribera Navarra en S. XV.

Erdi Aroko Nafarroako hizkuntzen historia historia aristokratikoaren aldaera bat izan da. Historialari gutxik egin diote aurre gizartean ia ikusezin agertzen direnak erretratatzeko eta pergaminoan zein paperean mutu dagoen gehiengoa entzuteko lan zailari. Horregatik darrai bizirik, segur aski, euskara soilik nekazariek, Mendialdeko artzain analfabetoek, hitz egiten zutela dioen estereotipoak. Kontserbatzen diren dokumentuek frogatzen dutenen arabera, herri handietan, gortean eta Erriberako herrietan latinetik eratorritako hizkuntzak entzuten eta idazten ziren: okzitaniera, frantsesa eta, batez ere, Nafarroako erromantzea. Euskara nafarrek hitz egin zuten hizkuntzetako bat baino ez zen izan. Liburu honek jende arruntaren egunerokotasuna oinarri hartuta erakusten du Erdi Aroko Nafarroan euskarak hainbesteko presentzia zuela non beste hizkuntza batzuetan idatzitako dokumentuetan ere jaso baitzen. Horrela, lurrari eta etxeari atxikirik, nafar haien ahots itzaliaren oihartzuna sumatzen dugu. Hari esker, erakusten da euskarak nonahiko presentzia izan zuela hirian eta landan, eliteen artean eta herri xehearen artean.