NAVARRA Y EL NUEVO MUNDO.

Lan honek azken bost mendeetan oparotasun bila itsasoz bestaldera emigratu zuten milaka nafar protagonista dituen abentura amerikarrari buruz hitz egiten du. Garai eta gai desberdinetan adituak diren zazpi historialarik fenomeno indianoa deiturikoaren mugarri nagusiak birsortzen dituzte, eta protagonisten idatzizko eta ahozko testigantzaren bidez egiten dute hein handi batean. Emaitza kontakizun bizia da, zergatik abiatu ziren sakon aztertzen duena, etorkinen profil poliedrikoa garbi marrazten duena, eta Mundu Berriak eragin zien zirrara eta epopeia hark ekarri zien patu hain ezberdina bertatik bertara erakusten diguna.

Lan honetatik igarotzen dira administrazio kolonialeko nafar gailenak, bai eta haien herrikideak ere, aberastu eta beraien lurraldera diru mordoa bidali zutenak eta, gero, itzuli zirenean, indianoen etxe ederrak eraiki zituztenak; baina bizirautea besterik lortu ez zutenen istorio txikiak ere badaude. Beren lurraren oroitzapenak elkarturik, batzuk eta besteak dira, patu ezberdinetatik harago, historiako orrialde berri baten egileak, Atlantikoaren alde banatara eragin handia izango duena, oraindik ere guztiz ezagutzen ez dena.