NOAIN 1512, EL FIN DEL PRINCIPIO.

500 urte bete dira Noaingo gudu mitikoan armada frankonafarrak eta Espainiako armada indartsuak elkarren aurka borrokatu zutenetik. Noain ez zen erresuma independente gisa bizirauteko borrokatzen ari zen Nafarroaren amaiera izan. Oraindik ez. Porrota ez zen idatzi den bezain adierazgarria izan eta gerra luzea etortzeko zegoen oraindik. Asmo handiko ikerlan ikusgarri baten aurrean gaude, argitaratu gabeko materiala dakarkiguna: Frantziako eta Nafarroako erregeen gutunak, bai eta gudua zuzendu zuen Lesparré kapitain jeneralarenak eta parte hartu zuten beste hainbat pertsonaiarenak ere. Benetan egin al zituen hainbeste akats Lesparré armada frankonafarraren kapitain jeneralak? Zer eginkizun izan zuten armada garailean arabar, gipuzkoar, bizkaitar eta nafar disidenteek? Bost mila nafar geratu al ziren Noaingo zelaietan botata? Besteak beste, galdera horiei erantzuten saiatzen da liburu hau, orainetik epaitzea saihestuz eta gertakaria eta protagonistak dagokien garaian kokatuz. Hunkituko zaituen liburua, Nafarroako bilakaera historikoan berebiziko garrantzia duen pasartea, erresuma azken ondorioetaraino defendatu zutenena.